urdu sms - urdu sms shayari - urdu sms sher

kuchh ishq thaa kuchh majabuurii thii so maine jiivan vaar diyaa
main kaisaa zindaa aadamii thaa ik shaKhs ne mujh ko maar diyaa
ye sajaa sajaayaa ghar saaqii merii zaat nahiin meraa haal nahiin
ai kaash kabhii tum jaan sako jo us sukh ne aazaar diyaa
main Khulii huii ik sachchaaii mujhe jaanane vaale jaanate hain
main ne kin logon se nafrat kii aur kin logon se pyaar kiyaa
vo ishq bahut mushkil thaa magar aasaan na thaa yuN jiinaa bhii
us ishq ne zindaa rahane kaa mujhe zarf diyaa pindaar diyaa
ik sabz shaaKh gulaab kii thaa ik duniyaa apane pyaar kii thaa
vo ek bahaar jo aaii nahiin us ke liye sab kuchh haar diyaa
main rotaa huuN aur aasmaan se taare TuuTate dekhataa huN
un logon par jin logon ne mere logon ko aazaar diyaa
vo yaar hon yaa mehboob mere yaa kabhii kabhii milane vaale
ik lazzat sab ke milane mein vo zaKhm diyaa yaa pyaar diyaa